مسابقه معقده شوي تحتاج الى براعة الشعراء للتحدي - هدب همس القوافي

يه

يهتدي شور الصواب وينتهي مني صواب=والليالي في صوابي قفلت بيبانها
سكرت درب السعاده وإنفتح باب العذاب=والسعاده ضيعتني وضيعت عنوانها

كيبورديه لم تكن إلا متابعة حدث

مرحبا بالشاعر المجنون

والتميز حضورك

من صافي الما ياغلا الروح علي=والقرب يروي لاضمت كبدعطشان
آثرت مايحصل على اللي حصلي=قلت العوض جابه بالأيام رحمان
عقب القمر لضوى على الغير منلي=لو يعتذر عن غيبته لي بالأمزان
ياعقدة الساري مع الموج فلي=هاج البحر وإستنجد الموج ربان
يوم العطش دربي والأوهام ضلي=والنوم مايقلى على العين سلطان

هات القوافي وأورد الفكر ذالحين=مدام هاجوس المشاعـر تغنـى
هِلّ المشاعر وأكتنفهـا مياديـن=بعض القوافي راحة اللي تعنـى

نامت على صدر السحاب البساتين=وأروت ضمى اللي في ندى الغيم شفقان
سبحانه اللي علمك منطق اللين=خلاك من طيبك على القلب سلطان

انت تدري بالمساري في دجى ليل السـراه=تنطوي فيه الفيافـي لوقصـر فيهـا المديـد
مرتحل ليل الهواجس لاطرت لي فـي دجـاه=ذكرك بهـم المسـاري يابعدنفسـي عضيـد
والغياب اللي خذاني عن نظر عينـك بطـاه=من جفاك اللي يحسس من بغى قربك طريـد
خفت أكون اللي حظوره يستفزك مـن غثـاه=أو تشوف بعينك إني علـة العيـش الرغيـد
أوتقـول إن الجمايـل عقَبـت عـنـدك رداه=نارضنـك لاتوقـد داخـل أضلاعـك وقيـد
حضي اللي ماجمعني فيك مثـر بـي قصـاه=نص قلبي مشتعل لـك نـار والثانـي جليـد
والله إني مافهمتك مير أبـي منـك السـواه=والمعاني في كلامـك طلعهـا دايـم نضيـد
ماقصدت أجرح شعورك لاوربي فـي سمـاه=والصفاوه من خفوقي تمنـك يـوم الوعيـد
لاتلوم اللي كلامك يـوم تنطـق بـه سبـاه=هوَن الغربه على اللي مجلسـه دايـم وحيـد
كم عذلت اللي تمادى فـي محبتكـم خطـاه=قلت له مالـك ومـال اللـي مقفـي ياعنيـد
ومايطيب اللي تعلق في وصال اللـي رمـاه=لين أشوفه قام ينزف مـن وريـده للوريـد
خلنا من قلبي اللـي واصـل لعنـدك صـداه=وأعتذر لاصار عذري عن خطى نفسي يفيـد
وأحترم صدق المشاعر من صدق نطلب رضاه=وأدري إحساسي عن اللي في خفى نفسك بعيد
مير قلبي ويش أسوي ماقـدر ينسـى غـلاه=وإكتفى في شوفة اللي ساكن أضلاعه سعيـد
كم حدى فيك العوايق لاشكـى يلقـى عـزاك=الجليس اللـي فقدكـم مابكـى بعـدك فقيـد
مايهم الشاعر اللـي صـادق المعنـى رعـاه=من على نطق الحقايق منطق لسانـه يحيـد
تشتكي همك على اللي من هوى قلبك هـواه=يدري إن اللي هويته بيـن خلـق الله فريـد
يستحق إحساسك اللي بالوفـى قلبـك رعـاه=دام تلقى به ربيعـك ياعسـى عمـره مديـد
تشتكي وتقول خلك من سبـب قربـي جفـاه=والمكان اللي شهد له يرجي الـراي السديـد
لاتضايقـك الليالـي همـك عيونـي فــداه=وإعتبر عند الشدايد لك مـع الوافـي رصيـد
وإعرف إن اللي يدور راحتك يسعـد مسـاه=لاتبسم ثغـرك اللـي بالفـرح عنـده يشيـد
وعلم اللي يشتكي لك من شقى الجرح وعناه=إنه اللي بالمحبـه داخـل ضلوعـك عميـد
وإنه اللـي بالمـوده يملـك الـورد وشـذاه=وإن قلبك عند غيره داخـل أضلاعـك حديـد
وإعتذر للي تعذر مـن سبـب واضـح نقـاه=وضح الصوره على اللي يرجي العلم الوكيـد
وإن بغى مني شهاده يفهـم الخـط إن قـراه=والعذر للي تسلـى فـي طواريـق القصيـد
قدر الله ماخفى بي ينكشـف عنـدك غطـاه=والموده في ضلوعي مانفـع فيهـا الجحيـد
أعتذر من همـك اللـي مالقـى فينـي دواه=وأعتذر عن قلبي اللي فـي محبتكـم شهيـد
وأدعي المولى تعالى مايضيـق بـك فضـاه=دعوتي مولاك يدحـر كـل شيطـانٍ مريـد
وإنصره من كل ضالم وإجزل بفضلك عطـاه=وإجعل ضلالك يضله من لضى الحر الشديـد