ممكن اعرف ليه كل الهجوم ده على الشات

وبالنسبة لتضييع الفروض

الشات مش سبب لتضييع الفروض

لان انا لو عندى النية الحقيقيه لاداء فروضى

هقوم واروح اصلى وارجع تانى ..

وكمان ازاى نخلط الشات بمسألة بر الوالدين

لان بر الوالدين دى حقيقة مش هينكرها الا الانسان العاق

والشات مالوش اى دخل بجعل الانسان عاق بوالديه او بار بهما
وهو فعلا لو بار بوالديه عمر ما حاجة زى الشات تخليه يعوق والديه او يتأخر عن خدمتهما

وبالنسبة لكلامك عن الصحة فدا بيكون تأثيرها من طول مدة الجلوس على النت عامة يعنى مش الشات بس..

وبالنسبة للعلاقات المحرمة فانا معاكى هيا بتكون موجوده فى غرف الشات

بس العلاقات المحرمه ممكن يكون مكان ميلادها الجامعة مثلا او فى العمل

يعنى مجتمعنا كله مفيش فيه اى علاقات محرمه غير فى الشات بس. اى مكان فيه الحلو والوحش ..

وكمان فيه شباب كتير بتدخل عشان يعملوا اصدقاء
وانا عن نفسى عملت اصدقاء كتير من غرف الشات دى وعلاقتنا ببعض قويه جداا
وبنزور بعض وبنتصل على بعض وبتتربى بينا عشره

وكمان الشات عمره ما يخلى الانسان يستغنى عن اصدقائة او اقاربه او اهله... سورى ما اعتقدش

وبالنسبة لمسألة التأخر الدراسى
فلو نلاحظ كلنا هنلاقى الموجودن فى غرف الشات
كلهم شباب جامعى مابين تربيه وطب وهندسة وصيدله وتجاره... كلهم شباب جامعى وفيهم كتير متوفقين فى دراستهم


وبالنسبة للأخ اللى بيحتقر الشات دى حرية شخصية ليك
لكن انك تحتقر اللى بيدخلوا عليه

فأنا بقولك اتق الله
اللى بيدخلوا الشات دول كلهم عرب ومسلمين واخوات
لو اخدت بالك بس
فإزاى تحتقر مسلم

تقبلى مرورى وشكرا على موضوعك الجميل ده