تدري وش اللي يجرح القلب جرحين - هدب عذب الكلام

تدري وش اللي يجرح القلب جرحين

..................ويمد حبـل الحـزن فيـك ويشـده



انك تناظر طفل مـن غيـر ابويـن

.................يمشي ودمعـة سايـل فـوق خـده




منظر صعيب ويقسم القلـب قسميـن

................لا قـام يمسـح دمعـة بكـف يـده



يمشي ولا يدري طريقة علـى ويـن

...............لين التعب من كثـر مـا تـاه هـده



اثقل حـروف يشيلهـا فيـة حرفيـن

...............لا أب يـدريـبـه ولا أم تـــرده



في خطوته رحلـة ودمعـة وسكيـن

................وحـظ توسـد بالمراسـي مـخـده



جيت اسألـة بالله قللـي ولـد ميـن

...............وبغي يجاوب واختنـق صـوت رده



أنـا يتيـم ومـا لدربـي عنـاويـن

...............وجزر الحزن فينـي يسـاوي لمـده



وطعم الطفولة ما عرفته لهـا لحيـن

.............وثوب السعادة صـرت مانيـب قـده



ابكي إلى من شفت غيـري سعيديـن

................ليـن البكـا فينـي يوصـل لحـده



واقفي ورحت امسح دموعي من العين

...............وعيني تناظـر دمعتـه فـوق خـده



وهذا اللي يجـرح القلـب جرحيـن

..............ويمد حبل الحـزن غصـب ويشـده

يسلمو ايديكي على الكلمات الاكثر من رائعة

من جد روعه القصيده
الله يعطيك العافيه يالغاليه

مشكوووووورين
على المرور الاكثر من رائع
يعطيكم العافيه

الله يرحم ابوين كل يتيم وانشالله يشوفون سعادتهم مع كل ساعه حين شي حلو كلها احساس

آمين الله يسمع منك
ومشكووووووره على المرور

نقل يدل على احاسيس مرهفة
سلمت يداك

يا عالم علموني من شعركم شو الاشعار الزينة هاد