سلآآمــ ــ

واللـه هذا الشي صارلي .. بس للاسف ماكنت واعيه

واتصرفت بوقاحه مالها مثيل .. انا اتكلم عن البنات يعني مو علاقه للطرف الاخر

هذا صديقه ليه اتعرفت عليها بالمصادفه بالمدرسه

وانا عادي كنت اعملها ماكنت الاحظ انها تحبني او شي تاني

يعني صادقتها واتعمقنا وصرنا نقعد وكدا وعرفتها على صحباتي

كانت تقولي ماتحب تمشي مع صحباتي ماترتحلهم

بس ماتوقعت قصدها شي تاني فكرتها عادي يعني كنت مره ماخدتها بحسن نيه

مرات كانو صحباتي يلمحولي بس ابدا ما حسيت بشي كدا

بس المهم تصرفي معاها كان بغايه الوقاحه والله لما اتذكر اضحك على نفسي

يعني كيف اتصرفت كدا مدري .. كانت تبى توصلي بطريقه غير مباشره بس ابدا انا تننننحت

قامت صارحتني مره بالتلفون انا قلتلها وبصووت عااااالي نعم اش تقولي وقعد اضحك من قلبي

والله جرحتها جرح ما اتوقع تنساهـ بحياتها .. ياربي تسامحني ع الموقف ..

يلا طولتها وهيا قصيرهـ ..

نصيحتي لك اخوي منعم .. اكيد انت لازم تقوله انك تعزهـ بس وتوضحله مشاعرك بوضوح

عشان لا ينخدع بالوهم .. بس امانه لاتغلط وتقولها بوقاحه ..

اهم شي تتخير الوقت والمكان المناسب لهالشي

وتخير الكلام بكل لطف لاتجرحه .. لان الدنيا دواردهـ اذا جرحت رح تنجرح

حط نفسك مكانه بعدين اتصرف بالعقل ..

اتمنى اكون افدتك بشي .. اخي الكريم

واللـه يوفقك بعلاقاتك الاخويه الصادقه ..

اتمنى لك التوفيق .. ^_^

اختك انا هنا