....... امســــــــح ...... دمـــــوًٍعـــك - هدب همس القوافي

بســـــم اللــــه الرحمن الرحيــــم

الســـلام عليـــكم ورحمـــة اللـــه وبـــركاته



امسح دموعك مال أبو الضيق داعي
...................ولا به أحد يستاهل الدمع يـا آميـر
دنيـاك تقبـل بالمكـر والخداعـي
...................ما وقّرت شايب ولا ترحـم صغيـر
الكل فيهـا عرضـة(ن) للضياعـي
...................لو طابت الشربه فـلا تامـن البيـر
يا آمير كان أنـك تجيـد استماعـي
...................اقضي بها قدام مـا تنسـر الطيـر
سعت لي الدنيا وأنا جيـت ساعـي
...................وأثاري الدنيا تجنّـب عـن السيـر
دارت رحاها يـوم طـاح القناعـي
................... وكان الأمل فيها زهـور ونواويـر
أخذت منهـا يـوم كانـت تراعـي
...................وخليتهـا يـوم القوافـل مدابـيـر
لاشك هـذا مـن كريـم الطباعـي
...................الحـر مالـه بالطمانـه مواكـيـر
الحـر دايـم مـاكـره بالرفـاعـي
...................يصدع سحاب الصيف وقت المشاهير
واللي يحوش الطيب بسن الرضاعي
...................يفرق عن اللـي يطلبـه بالدنانيـر
ان ما كست طيب المكـارم ذراعـي
...................قطعتهـا قـدام تفـرح بـي الغيـر
ياما بذرت الطيب والطيـب ضاعـي
...................بـذرت حـبّـه للهوا والعصافـيـر
بذلت بالمعـروف قـدر استطاعـي
...................وعضيت ابهـام النـدم والتحاسيـر
الصبخ لا مـا يستـوي للزراعـي
...................وحلو العسل مـا يعرفنـه الدبابيـر
اقضي بها يا آميـر قبـل التداعـي
...................وعندك خبر سود الليالي المعاسيـر
انشدك ياللي حاضر الفكـر واعـي
...................عن جوهره في وجهها الشر والخير
ما هيب سلعه تنشـرى أو تباعـي
...................ولا تنعرض بالسوق عند السماسير
تعيش في بيـت الكريـم الشجاعـي
...................وتموت في وكر الخنـا والمحاقيـر
هي وردة (ن) مـا نبّتـت بالمراعـي
...................يـا بعدهـا يـا قربهـا للقواريـر
الله خلقها مـن عظـام الضلاعـي
...................عوجا ومع هـذا لهـا كـل تقديـر
قبل العرب في دفنهـا مـا تراعـي
...................واليوم تدفن لكن بصورة(ن) غيـر
ان جيت ترجع للسبـب والدواعـي
...................نادي على الرجال وسـط الجماهيـر
يجيك من يلعـب هجـوم ودفاعـي
...................شخص حضاري ملتزم بالدساتير
تلقاه فـي كـل المساعـي يداعـي
...................يركض ورا الدنيا يحسب المخاسيـر
والبيـت آيـل للسقـوط امتداعـي
...................وكل(ن) على كيفه يريـد المساييـر
كان الغنم تسرح على غيـر راعـي
................... تبشر بذيب(ن) محتري تالي اعصير
ما كنت اباكتب صدمتـي وارتياعـي
...................من واقع(ن) فاسـد بكـل التعابيـر
إلا أنهـا عـدّت حـدود استطاعـي
...................وعجزت ألاقـي للخطـا أي تبريـر
ويا ناشد(ن) عن موقفي وانطباعـي
...................اقول حلمي ضاع من غيـر تفسيـر
طوّعت لدفـوف البنـات استماعـي
...................وكذاب من هو مـا يحـب الغناديـر
ارخيـت لريـاح المحبـه شراعـي
...................ظنيت ما بالبحـر مـوج وأعاصيـر
إي والله أني ذقت حـب ووداعـي
...................وغنى (طلال) لمثل حظي (مقاديـر)
وحب الشرف مالي بغيره مساعـي
...................إن وردت الشينه أخذت المصاديـر
ماني من اللـي بالحيـاة اندفاعـي
...................أعرف قدر نفسـي بكـل المعاييـر
من بـادي أيامـي وهـذا اقتناعـي
...................الطيب كسب(ن) للوجيـه المسافيـر
ما أخص به أهل النفوس الجياعـي
...................اللي بجمع المـال مثـل المناشيـر
اللي خذوا للجود (طلق اصطناعـي)
...................مات الجنين وللأسف ما حصل خيـر
حنا علـى مـد الأيـادي سراعـي
...................نمدّها بالجـود مـن غيـر تفكيـر
نمدهـا بالضيـق مـد الوسـاعـي
...................وبعنا المواتـر والذهـب والمغاتيـر
لو نحسب اللي فات منـا وضاعـي
...................إن كان تملا مـن عطانـا قناطيـر
ومن يزرع المعروف لازم يطاعـي
................... ذروة سنام المشيخه ذيك يـا آميـر
من رفقة الطيب تطيـب المساعـي
...................ومن رفقة الخايب تخيب المساييـر
يامـا عرفنـا صقورهـا والأفاعـي
...................وما يستوي العطار مع نافخ الكيـر
والشمس تاصـل حدهـا بارتفاعـي
...................يحصل لها قبـل الكواكـب محاديـر
من برجها تشرف على كـل قاعـي
...................تحكي لنا عن ماضيـات الأساطيـر
سبع العجايـب والـدول والقلاعـي
...................وتاريخ يسرد عن رجال(ن) مشاهير
عن حاتم الطائي صخـي الذراعـي
...................وعنتر ابن شـداد وكليـب والزيـر
انشـد وتلقـى للجـواب امتناعـي
...................صوت الهوا يصفر مع القاع تصفير
راحت بهم دنياك عقـب اجتماعـي
...................يا ليتها اخطـت حسـاب المقاديـر
ما يرجع الميـت نديـب النواعـي
...................الموت حق(ن) ما حصل فيه تاخيـر
امسح دموعك مال أبو الضيق داعي
...................ولا به احد يستاهل الدمع يـا آميـر


وســـلامـــة السامـــه (الشاعر سلطان الرواد الرويلي ) فديت تعوبي مشعل العنزي

يا اخي القصيدة لا توضع هنا مكانها المنقولات الادبية

يا اخي القصيدة لا توضع هنا مكانها المنقولات الادبية

يامـا عرفنـا صقورهـا والأفاعـي
...................وما يستوي العطار مع نافخ الكيـر
والشمس تاصـل حدهـا بارتفاعـي
...................يحصل لها قبـل الكواكـب محاديـر


روعه اخوي

كلام حلووووو

مشكور أخوي على القصيده الرائعه كلام في قمه الروعه

انتقاء مميز

حقيقة قصيدة غاية في الروعة

وكلمات اقل ما يقال عنها انها ابداع

لا تحرمنا جديدك

تسلم يا ابو الشباب

كلماااااااااااات رائعة وجميله ومعبرة

تقبلني انا عضو توي جديد

قصيده رائعه فيها كثير من العبر والحكم شكرا اخوي على نقل القصيده