لـوبـنـيـتي مـابـنـيـتـي يـاإرم ذات الـعـماد=يـنـهـدم بـنـيانك اللي فـي يـدين المفسدين
إسـتـبـحتي حرمة الدين الحنيفي والعباد=ثم كـشف رسامك اللي في قلوب الحاقدين
يـدعـي بـأن الـحضـاره تـرتقي فيها البلاد=كـيـف تـرقى ؟ بـالتحرر في كلام الماجنين
مـيـت الـعذر إن تـعـذر مـانـفع فيه الضماد=عـذره الـواهـي يـثـبـت حـجـة إنه مستهين
والـوعـد كـف الأذيـه وأخـلـفـونـا بـالـمعاد=فـي إرمـهـم لاتـحـدو يـردعـون الـمـعتدين
ثارت الدنيا بأثرها وإرتـجـف قـلـب الجماد=وإسـتـكـن الـثـأيـر اللـي حـذروه المرجفين
يـاحـسافـه نـارنـا اللـي عـقـبـت تالي رماد=وإسـتـخـفـوا من سببها في إمام المرسلين
وين خالد وين مصعب وين طـارق بن زياد=وين موسى بن نصير ووين راح الناصرين
يـاخـلـف وإن تـنـصـر الله مـايـهيـبك العتاد=عـدتـك مـاتـسـتـطـيـعـه فـي ثـباتك واليقين
يـهـتدي من يهدي الله خطوته درب الرشاد=والـمـشـوره سـنـة الله سـنـهـا للــراشــدين
مـن تـبـع سـنـة نـبـيـه مـايـهـيـم بـكــل واد=مـايـرد حـوض الـمـنـيـه مع ورود الوارين
لا يـشـق صفوفنا اللي يحسبون إن الجهاد=شـذة اللـي للـجـمـاعـه والمشوره كارهيـن
مـايـهون الطاهر اللي ماعرف طعم الرقـاد=فاضت دموعه مع اللي بالـمـنابر واقـفـيـن
يـرسـل سهوم الدعاوي لانزف فيه الـفؤاد=يـشـتـكـي قـو الـمـكيده عند كيد الضالمـين
سنة الباري على أرضه لاكثرفيها الفسـاد=يـلـحـق أولـهم على اللي ذكرهم بالأخرين